龙。

    “阿龙，我信你先撑到底，唔好令我失望。”

    见李文航神色认真，癫仔龙收起身痞样，郑重噉点头。

    “放心航哥，我一定唔会令你失望。”

    “咁就好，快啲去氹下五叔伯啦，听日仲有大把嘢要你做。”

    李文航冇再讲落去，转身离开肉铺。

    ……

    当晚荃湾，李文航挨喺车边慢慢噉吐住烟圈。

    酒楼门口行出一班人，带头嘅男人样串到爆。

    “和义安嘅人？讲好两百万先至肯嚟?，钱呢？”

    李文航递出支票同银行卡。

    “划线支票，银行见到直接过两百万落呢张卡，随时查得到。攞现金要等一个月，你守约自然有得攞。”

    “真係麻烦！”个男人唔耐烦噉攞咗票据。

    “谨慎对大家都好，有啲耐性冇坏?。”

    “唔係睇在同係和字头，边个睬你啊？挑！”

    个串男掉低句话就返入酒楼。